Մինչև տարեվերջ արտաքին պարտքը կաճի. Ատոմ Ջանջուղազյան
Պետական պարտքի դինամիկան մեզ թույլ է տալիս եզրակացնել, որ ռիսկերը կառավարելի են։ Այս մասին այսօր լրագրողների հետ զրույցում ասաց ՀՀ Ֆինանսների նախարար Ատոմ Ջանջուղազյանը։
Ջանջուղազյանի խոսքով՝ մենք չունենք չկանխատեսված կամ անկանխատեսելի բացասական փոփոխություն։ «Մենք ամեն ամսվա ավարտին հնգօրյա ժամկետում հրապարակում ենք ազդագիրը՝ բոլոր մանրամասներով։ Դինամիկան տարվա ընթացքում ունենում է թե՛ աճ, թե՛ նվազում՝ և՛ արտաքին, և՛ ներքին պարտքի մասով և կարող է մի ամիս լինել աճի, մի ամիս նվազման միտում, բայց որպես կանոն պետական պարտքի վերաբերյալ դատողություն արվում է տարեկան հաշվետվության արդյունքներով, քանի որ դա է թույլ տալիս գնահատել և դատողություն անել, թե պարտքի բեռը ինչպիսի զարգացում է ունեցել։ Այս դինամիկան թույլ է տալիս պետական չկառավարող պարտքի մասին չխոսել։ Այն, որ պարտքը անվանական արտահայտությամբ կաճի, ենթադրվում է, որ տեղի կունենա մինչև տարեվերջ, բայց դա չի նշանակում, որ պարտք ներքին հարաբերակցության աճ ենք մենք նկատում»։
