ՊՆ-ին 2,1 մլրդ դրամ կհատկացվի մարտական ծառայության պայմանները բարելավելու նպատակով
Կառավարությունն այսօր որոշում ընդունեց փոփոխություններ կատարել պետբյուջեում՝ ավելացնելով եկամուտները և ծախսերը 2 մլրդ 161 միլիոն 796 հազար դրամով և այդ գումարը տրամադրել ՀՀ պաշտպանության նախարարությանը:
Վարչապետ Նիկոլ Փաշինյանը պարզաբանեց, որ այդ 2,1 մլրդ դրամը մարտական ծառայության պայմանները բարելավելու նպատակով է տրամադրվում ՊՆ-ին:
Հարցի երկու դրույթը նախատեսված էր քննարկել գաղտնի ռեժիմով, սակայն պաշտպանության նախարար Դավիթ Տոնոյանը միջնորդեց հարցը ամբողջությամբ քննարկել գաղտնի ռեժիմով և այդ առաջարկն ընդունվեց:
Ըստ նախագծի՝ մատակարար կազմակերպությունների հետ բանակցությունների արդյունքում 2019թ. ստացման ենթակա ապրանքների դիմաց չբավարարող մասով վերաբաշխումների իրականացում կա, և կարգավորման նպատակն է Մատակարարման ենթակա ապրանքների դիմաց ՀՀ օրենսդրությամբ սահմանված կարգով պարտավորությունների ստանձնման և պայմանագրերի կնքման հնարավորությունների ապահովումը:
Ըստ հիմնավորման, որոշման անհրաժեշտությունը պայմանավորված է 2019թ-ին մատակարարման ենթակա ապրանքների մատակարարման դիմաց պարտավորությունների կատարմամբ ՀՀ զինված ուժերին անհրաժեշտ միջոցներով ապահովումով:
