![«Պոբեդա»-ն հերքել է. Գյումրիում ինքնաթիռի կոշտ վայրէջք չի եղել](https://auroranews.am/storage/img/base_image/old/789cd43bb1f49cc0b2159251ea88af70.webp)
«Պոբեդա»-ն հերքել է. Գյումրիում ինքնաթիռի կոշտ վայրէջք չի եղել
![«Պոբեդա»-ն հերքել է. Գյումրիում ինքնաթիռի կոշտ վայրէջք չի եղել](https://auroranews.am/storage/img/base_image/old/789cd43bb1f49cc0b2159251ea88af70.webp)
«Պոբեդա» ավիաընկերությունը (մտնում է «Աերոֆլոտ» խմբի մեջ) հերքում է Գյումրիում ինքնաթիռի կոշտ վայրէջքի մասին լուրերը։ Այդ մասին լրագրողներին հայտնել է ընկերության ներկայացուցիչը, հաղորդում է ՌԻԱ Նովոստին։
ՀՀ քաղավիացիայի կոմիտեն երկուշաբթի հայտնել էր, որ «Պոբեդա» ավիաընկերության ինքնաթիռը Գյումրու «Շիրակ» օդանավակայանում վայրէջք կատարելիս ետնամասով հպվել է վազքուղուն, ինչի հետևանքով պոչամասը վնասվել է: Ինքնաթիռում եղել է 173 ուղևոր:
«Գյումրիում հետթռիչքային զննության ժամանակ հայտնաբերվել է պոչային հատվածի վնասվածք, ինչը տեղի է ունեցել երկրորդ շրջան անցնելու ժամանակ, սակայն կոշտ վայրէջքի մասին տեղեկությունը չի համապատասխանում իրականությանը», – ասել է ներկայացուցիչը:
Նա նշել է, որ պահեստային օդանավն արդեն մեկնել է Գյումրի հետադարձի թռիչքի ուղևորների հետևից։