10 ժամից ավելի, արտակարգ իրավիճակների նախարարության փրկարար ծառայության Երևան քաղաքի հրշեջ-փրկարարները պայքարել են Երևան քաղաքի Արշակունյաց պողոտայի թիվ 9 հասցեում գտնվող «Ձյունիկ սառնարան» ՍՊԸ-ում բռնկված խոշոր հրդեհի տարածման դեմ։ Ինչպես դեպքի վայրից հայտնում է ֆոտոլրագրող Գագիկ Շամշյանը, հրշեջ ավտոմեքենաներն 10-30 անգամ ջրով լիցքավորվել և վերադարձել են հրդեհի վայր։ Բարեբախտաբար, տուժածներ չկան: Թե ինչն է եղել կրակի առաջացման պատճառը, դա պարզ կլինի փորձաքննություններ նշանակելուց հետո։ Դեպքի վայրում է եղել նաեւ ԱԻ նախարար Ֆելիքս Ցոլակյանը: Նախնական տվյալներով հրդեհի օջախները գտնվում են շինության 4-րդ և 5-րդ հարկերում: 

Լուսանկարները՝ Գագիկ Շամշյանի