Բողոքի ցույց՝ ընդդեմ Ամուլսարի հանքի շահագործման

Ջերմուկում ընթանում է հանրահավաք՝ ընդդեմ Ամուլսարի հանքի շահագործման: Ջերմուկցիները նշում են՝ պետք է պայքարել, Կառավարությանը համոզել՝ հետ կանգնել Ամուլսարի հանքը շահագործելու մտքից:

Հանրահավաքի մասնակիցներն անդրադարձան Քննչական կոմիտեի ներկայացրած փորձաքննությանը, նշեցին՝ որևէ գիտնական չի եկել, տեղում ուսումնասիրություն չի արել, փորձաքննությունը արվել է միայն թղթերով:

«Ո´չ ներդրողներն են ապրելու այստեղ, ո´չ թույլտվություն տվողները, մենք ենք ապրելու, մեր երեխաները, մեր թոռները, ամբողջ աշխարհն է գալու այստեղ հանգստանալու: Մենք ամբողջ համայնքով դեմ ենք, որ այդ հանքը շահագործվի»,- ասաց հանրահավաքի մասնակիցներից մեկը:

Ջերմուկցիները նշում են՝ Ամուլսարն արդեն քաղաքական հարց է, պետք է կայացվի քաղաքական որոշում, իսկ այդպիսի որոշում կարող է կայացնել միայն վարչապետը: