Աթամբաևի կնոջ դեմ նույնպես քրգործ է հարուցվել

Ղրղըզստանի իշխանությունները քրեական գործ են հարուցել երկրի նախկին նախագահ Ալմազբեկ Աթամբաևի կնոջ՝ Ռաիսա Աթամբաևայի դեմ:

«Իմ նկատմամբ այժմ քրեական գործ են հարուցում»,- տեղեկացրել է նա լրագրողներին:

Ղրղըզստանի նախկին առաջին տիկինը դեռևս չգիտի, թե որ հոդվածով են իրավապահներն իր դեմ գործ հարուցում:

Հիշեցնենք` օգոստոսի 8-ին Ալմազբեկ Աթամբաևին կալանավորելու վերաբերյալ որոշում էր կայացվել: Նրան մեղադրանքներ են առաջադրվել սպանության և առանձնապես ծանր 12 հանցագործությունների համար։ Ալմազբեկ Աթամբաևն Ազգային անվտանգության պետական կոմիտեի քննչական մեկուսարանում կմնա մինչև օգոստոսի 26-ը: