Քիչ առաջ հայ-վրացալամ անցակետում զվարճալի միջադեպ է գրանցվել։ ArmDaily.am-ի թղթակիցը հաղորդում է, որ այս պահին անցակետում նորից հերթեր են, իհարկե, լինում են ժամեր, երբ ավելի շատ են լինում հերթերը, հատկապես, երբ մի քանի ավտոբուս է անցնում սահմանը։

Ընդհանուր առմամբ՝ զբոսաշրջիկները փաստում են, որ սահմանային հսկողությունը խստացվել է, վրաց սահմանապահները հատ-հատ ստուգում են բոլոր ուղեւորներին, այդ թվում՝ ձեռքի իրերը, ընդհուպ՝ հացի տոպրակը։

Մեր թղթակիցը հաղորդում է, որ երբ Հայաստանի քաղաքացիներից մեկը, խախտելով հերթը, մոտեցավ անցակետին, վրաց սահմանապահը նրան սաստեց՝ ասելով, թե «ինչի ես առաջ ընկնում, հերթ է, բոլորը սպասում»։ 

ՀՀ քաղաքացին էլ գտավ լարված իրավիճակը ցրելու եղանակը՝ ասելով,

«Не надо паники, ведь ты не в Титанике»։ Այս խոսքերից հետո հերթում կանգնածներն ու վրաց սահմանապահը սկսեցին ծիծաղել։