Ադրբեջանը ձեռք է բերել իսրայելական արտադրության անօդաչուն և բրիտանական դիպուկահար հրացաններ
Ադրբեջանի սահմանապահ ծառայությունը ձեռք է բերել իսրայելական արտադրության Skylark (Արտույտ) մինի անօդաչու թռչող սարքը:
Ինչպես հաղորդում է Minval.az-ը, նորագույն անօդաչուներն օգոստոսի 14-ին ցուցադրվել են Բաքվի Պետական դրոշի հրապարակում: Skylark անօդաչուի մշակմամբ զբաղվում է իսրայելական Silver Arrow ընկերությունը: Բացի այդ, հաղորդվում է, որ Սահմանապահ ծառայությունը սահմանպահ զորքերի 100-ամյակի առթիվ սպառազինման է ընդունել հայտնի բիտանական արտադրողի դիպուկահար հրացանները:
Նախօրեին տեղի ունեցած միջոցառման ժամանակ ցուցադրվել են նաև RPA Rangemaster – 338LM հրացանները, ադրբեջանական արտադրության ST-338 Yalquzaq, ամերիկյան CheyTac, շվեյցարական OM-50 Nemesis, ֆիննական Sako TRG-22, խորվաթական MACS, ավստրիական SSG-08 և SSG-M1 հրացանները, որոնք արդեն ընդգրված են Սահմանապահ ծառայության սպառազինման կազմում:
