Բողոքի ակցիա դատարանի մոտ
Երևանի ընդհանուր իրավասության դատարանի Շենգավիթի նստավայրում շարունակվում է ՊՊԾ գնդի գրավման գործով տասն ամբաստանյալների`Պավել Մանուկյանի, Վարուժան Ավետիսյանի և մյուսների գործով դատաքննությունը: Ցուցմունք են տալիս վկաները:
Իսկ դատարանի մոտ կրկին բողոքի ակցիա են անում ամբաստանյաների աջակիցնրը: Նրանք պահանջում են կալանքի տակ գտնվող երկու ամբաստանյալների` Արմեն Բիլյանի և Սմբատ Բարսեղյանի խափանման միջոցը փոխել:
Հիշեցնենք` նրանք մեղադրվում են երեք ոստիկանի սպանության համար: Բոլոր ամբաստանյալների խափանման միջոցը փոխվել է, նրանք ազատ են արձակվել գրավի դիմաց կամ անձնական երաշխավորությամբ, սակայն Արմեն Բիլյանը և Սմբատ Բարսեղյանը կալանքի տակ են:
