ՌԴ վարչապետը հրապարակել է Թուրքմենստանի նախագահից նվեր ստացած շան՝ Այկ-ի մասին տեսանյութ

ՌԴ վարչապետ Դմիտրի Մեդվեդևը տեսանյութ է հրապարակել, որում «ալաբայ» ցեղատեսակի շան քոթոթն է, որին նվիրել է Թուրքմենստանի նախագահ Գուրբանգուլի Բերդիմուհամեդովը: Տեսանյութը Մեդվեդևը տեղադրել է Ֆեյսբուք եւ ՎԿոնտակտե սոցիալական ցանցերի իր էջերում: Քոթոթն ապրում է վարչապետի նստավայրում, որը գտնվում Մոսկվայից ոչ հեռու՝ Գորկի կոչվող տեղանքում: Քոթոթը կարող է հայտնվել և՛ նիստերի դահլիճում, և՛ վարչապետի աշխատասենյակում:  

«Բոլոր նրանց, ում հետաքրքիր է Գուրբանգուլի Բերդիմուհամեդովի նվիրած քոթոթը, ասեմ, որ նա արդեն 4 ամսական է:  Նրա անունը Այկ է, և նա ապրում է Գորկի կոչվող տեղանքում»,- գրել է Մեդվեդևը տեսանյութի մեկնաբանություններում: