![Կոտայքի մարզում վթարի է ենթարկվել VAZ-21140 մակնիշի ավտոմեքենան. վարորդը տեղում մահացել է](https://auroranews.am/storage/img/base_image/old/577dda89031b0ab69730de7b3c7003a0.webp)
Կոտայքի մարզում վթարի է ենթարկվել VAZ-21140 մակնիշի ավտոմեքենան. վարորդը տեղում մահացել է
![Կոտայքի մարզում վթարի է ենթարկվել VAZ-21140 մակնիշի ավտոմեքենան. վարորդը տեղում մահացել է](https://auroranews.am/storage/img/base_image/old/577dda89031b0ab69730de7b3c7003a0.webp)
Այսօր, օգոստոսի 5-ին մահվան ելքով ավտովթար է տեղի ունեցել Կոտայքի մարզում։ Ժամը 02։40-ի սահմաններում Չարենցավան քաղաքի բնակիչ 60-ամյա Վարագ Ղ․-ն իր վարած VAZ-21140 մակնիշի ավտոմեքենայով Կարենիս գյուղից դեպի Արգել տանող 1-ին շրջադարձի ձախակողմյա հատվածում դուրս է եկել ճանապարհի երթևեկելի գոտուց, բախվել ցանկապատի հիմքին, որից հետո կողաշրջված վիճակում հայտնվել ոչ երթևեկելի գոտու հատվածում։ Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդ Վարագ Ղ․-ն տեղում մահացել է։
Փաստի առթիվ Չարենցավանի քննչական բաժնում ՀՀ ՔրՕրի 242 հոդվածի 2-րդ մասի հատկանիշներով հարուցվել է քրեական գործ։ Քննիչի հանձարարականով՝ ավտոմեքենան տեղափոխվել է Ոստիկանության Չարենցավանի բաժնի պահպանվող հատուկ տարածք։
Լուսանկարները՝ Կարեն Գրիգորյանի