Oգոստոսի 4-ին, արտակարգ դեպք է տեղի ունեցել Երևանում: Ժամը 21:10-ի սահմաններում, Հրազդանի կիրճում դարն ապրած հաստաբուն ծառը արմատից պոկվել և ընկել է ճանապարհի թույլատրելի հատվածում կայանված Mercedes մակնիշի ավտոմեքենայի վրա: Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների, բարեբախտաբար տուժածներ չկան, սակայն ավտոմեքենան դարձել է ոչ շահագործելի: Ֆոտոլրագրողը հայտնում է, որ ավտոմեքենան ապահովագրված է «Կասկո» եղանակով և ապահովագրական ընկերությունը պարտավոր է առանց՝ ինչպես ժողովուրդն է ասում. «էսօր, էգուց գցելու», կամ «խաղեր տալու», կատարել փոխհատուցումը: Դեպքի վայր է ժամանել նաև ոստիկանության Մալաթիայի բաժնի հետաքննչական բաժանմունքի հետաքննիչը, ում կողմից փաստի առթիվ նյութեր են նախապատրաստվում: Ֆոտոլրագրողը հայտնում է, որ վնասված ավտոմեքենան ավտոշուկայում գնահատվում է մոտ 70-75 հազ. եվրո: 

Լուսանկարները՝ Գագիկ Շամշյանի