Կիևում ադրբեջանցին ծեծել է պարեկող ոստիկանին
Կիևում Ադրբեջանի քաղաքացին ծեծել է պարեկային ոստիկանին։ Այս մասին տեղեկացրել են իրավապահ մարմիններում, տեղեկացնում է ՈւՆՆ-ն։
Իսկ ամեն ինչ սկսվել է նրանից, որ պարեկը, որը ծառայությունն ավարտել էր, բայց համազգեստով էր, նկատողություն է արել տղամարդուն, որ նա խախտել է ճանապարհային երթեւեկության կանոնները մեքենան վարելիս։ Ոստիկանը նաև իր մեքենայով փակել է կարգազանցի մեքենայի ճանապարհը։
Այս ամենը վերաճել է բանակռվի, որի ընթացքում դեպքի վայր է եկել տղամարդու ազգականը, որի մեքենայի ճանապարհը փակել էր ոստիկանը։
Ազգականը՝ Ադրբեջանի քաղաքացի, մի քանի հարված է հասցրել ոստիկանին։ Նրան հոսպիտալացրել են փակ գանգուղեղային վնասվածքով, իսկ կոնֆլիկտի երկու մասնակիցներին կալանել են։
Այժմ հետաքննությունը շարունակվում է «իրավապահ մարմնի աշխատակցի հանդեպ սպառնալիք կամ բռնություն» հոդվածով։
