Չի համապատասխանում իրականությանը. Իվետա Տոնոյանը` Ռոզա Ծառուկյանին պատկանող ընկերության հնարավոր սնանկացման մասին
Այսօր «Ժամանակե թերթը գրում է. «ԲՀԿ ղեկավար Գագիկ Ծառուկյանի մորը՝ Ռոզա Ծառուկյանին պատկանող «Մուլտի Ագրոե ընկերությունը կարող է սնանկ ճանաչվել եւ փակվել: Ընկերության աշխատակիցներն արդեն երկրորդ ամիսն է՝ աշխատավարձ չեն ստացել եւ չգիտեն, թե երբ կստանան»:
Պարզաբանում ստանալու համար AuroraNews.am-ը կապ է հաստատել ԲՀԿ կուսակցության ղեկավար Գագիկ Ծառուկյանի մամուլի խոսնակ Իվետա Տոնոյանի հետ: Նա մեզ տեղեկացրեց, որ լուրը չի համապատասխանում իրականությանը: Որեւէ խնդիր Մուլտի Ագրո-ում չկա, աշխատավարձերի հետ կապված եւս որեւէ խնդիր չկա: Իսկ ինչ վերաբերում է հրապարակմանը, ապա ըստ Իվետա Տոնոյանի ճիշտ կլիներ, որ տվյալ լրատվամիջոցը մինչ նման բան գրելը, տեղեկատվությունը գոնե ճշտեր կամ այդ ընկերությունից, կամ ի պաշտոնե իրենից:
