Ապահովագրական ընկերությունները միայն քրգործեր հարուցվելուց հետո են հարկերը վճարել․ ՊԵԿ
Պետական եկամուտների կոմիտեի քննչական վարչությունում ապահովագրական մի շարք ընկերությունների վերաբերյալ քրեական գործեր են հարուցվել: Այս մասին հայտնում է ՀՀ ՊԵԿ տեղեկատվության և հասարակայնության հետ կապերի բաժինը։
Քրեական գործերի նախաքննության ընթացքում պարզվել է, որ ապահովագրական ընկերությունները թաքցրել են իրենց իրական շահույթները և կեղծ տվյալների միջոցով նվազեցրել ցուցանիշները։
Եվ միայն քրեական գործերի քննության ընթացքում, համալիր հարկային ստուգումներից խուսափելու համար, նշված ընկերությունները ՊԵԿ են ներկայացրել նոր` ճշտված հաշվետվություններ և վճարել շուրջ 218 միլիոն 483 հազար դրամի հավելյալ հարկեր։
Քրեական գործերն այսքանով չեն ավարտվել, որոշ ապահովագրական ընկերությունների վերաբերյալ նախաքննությունը դեռ շարունակվում է:
