Վահագն Հարությունյանը կշարունակի մնալ ազատության մեջ. Որոշում
Վերաքննիչ քրեական դատարանը՝ նախագահությամբ դատավոր Նարինե Հովակիմյանի, քիչ առաջ հրապարակեց Մարտի 1-ի գործով քննչական խմբի նախկին ղեկավար Վահագն Հարությունյանի խափանման միջոցի գործով դատախազության և Հարությունյանի պաշտպան Միհրան Պողոսյանի բողոքները: Դատարանը երկու բողոքն էլ մերժեց: Այս մասին SHANTNEWS.am-ին հայտնեց ՀՀ գլխավոր դատախազության հանրային կապերի բաժնի պետ Արևիկ Խաչատրյանը:
Դատարանը, փաստորեն, ուժի մեջ թողեց Առաջին ատյանի դատարանի որոշումը, որով մերժվել էր Հարությունյանին կալանավորելու վերաբերյալ ՀՔԾ միջնորդությունը:
