![Բագրատաշենում հայտնաբերվել է մաքսային հսկողությունից թաքցված 43 կգ դեղորայք. ՊԵԿ](https://auroranews.am/storage/img/base_image/old/209e1609c06c51e821552059254c78de.webp)
Բագրատաշենում հայտնաբերվել է մաքսային հսկողությունից թաքցված 43 կգ դեղորայք. ՊԵԿ
![Բագրատաշենում հայտնաբերվել է մաքսային հսկողությունից թաքցված 43 կգ դեղորայք. ՊԵԿ](https://auroranews.am/storage/img/base_image/old/209e1609c06c51e821552059254c78de.webp)
Բագրատաշենի մաքսակետում Պետական եկամուտների կոմիտեի մաքսանենգության դեմ պայքարի վարչության Գուգարքի տարածաշրջանային բաժնի և Բագրատաշենի մաքսային կետ-բաժնի աշխատակիցները մաքսային հսկողության շրջանակում զննման են ենթարկել Վրաստանից Հայաստան ժամանած ՀՀ քաղաքացի Ա.Ս.-ի տրանսպորտային միջոցը: Այս մասին հայտնում են ՀՀ ՊԵԿ տեղեկատվության և հասարակայնության հետ կապերի բաժնից:
Արդյունքում ավտոմեքենայի հետնամասի նստատեղերի և բեռնախցիկի միջև ընկած հատվածից հայտնաբերվել են մաքսային հսկողությունից թաքցված 43 կգ ընդհանուր քաշով տարբեր տեսակի դեղամիջոցներ։
Փաստի առթիվ կազմվել է արձանագրություն` ՀՀ մաքսային օրենսգրքի 201-րդ հոդվածով նախատեսված մաքսային կանոնների խախտման հատկանիշներով։