Վիեննայում տեղի ունեցած պայթյունի հետևանքով հայեր չեն տուժել. Ավստրիայում ՀՀ դեսպանություն

Ինչպես ավելի վաղ հայտնել էինք` հունիսի 26-ին Վիեննայի Wieden թաղամասի /Preßgasse/Schäffergasse/ բնակելի շենքերից մեկում տեղի էր ունեցել պայթյուն, որի պատճառը, ըստ մամուլի հրապարակումների, գազի արտահոսքն է եղել: Նախնական տվյալներով` կա 1 զոհ և շուրջ 15 վիրավոր: Եվս 1 անձ որոնվում է: Այս մասին հաղորդում է Ավստրիայում ՀՀ դեսպանությունը:

Վերջինս նույն օրը կապ է հաստատել Ավստրիայի իրավասու մարմինների հետ՝ պարզելու` արդյո՞ք պայթյունի հետևանքով տուժածների թվում ՀՀ քաղաքացիներ կամ հայեր կան: Ավստրիայի ոստիկանությունից կապ են հաստատել դեսպանության հետ՝ տեղեկացնելով, որ ներկա պահին տուժածների թվում ՀՀ քաղաքացիներ և հայեր չկան: