Ստամբուլում կրկին հաղթում է ընդդիմադիր թեկնածուն
Թուրքիայի Ժողովրդա-հանրապետական ընդդիմադիր կուսակցության թեկնածու Էքրեմ Իմամօղլուն առաջատարի դիրքում է Ստամբուլի քաղաքապետի կրկնակի ընտրությունների արդյունքում: Ինչպես հայտնում է BBC-ին Թուրքիայի իշխող «Արդարություն և զարգացում» կուսակցության թեկնածուն՝ երկրի նախկին վարչապետ և խորհրդարանի նախկին նախագահ ԲինալիՅըլդըրըմը պարտվել է Ստամբուլի քաղաքապետի ընտրություններում:
Հիշեցնենք, որ քաղաքապետի ընտրութունները Թուրքիայում տեղի են ունեցել մարտի 31-ին: Այն ժամանակ Իմամօղլուն շրջանցել էր Յըլդըրըմին՝ ստանալով 4 171 000 ընտրողի ձայն: Թուրք ղեկավարի կուսակցությունը բողոքարկել էր արդյունքները՝ պահանջելով չեղարկել դրանք և նոր ընտրություններ նշանակել Ստամբուլում:
