ՌԴ քաղաքացիություն չունեցող վարորդները Ռուսաստանում տաքսի չեն կարողանա վարել
Տաքսոմոտորային փոխադրումներով զբաղվող օտարերկրյա ընկերությունները չեն կարողանա աշխատել ՌԴ տարածքում՝: Այս մասին հայտարարել է ՌԴ Պետդումայի տրանսպորտի և շինարարության կոմիտեի ղեկավար Եվգենի Մոսկվիչևը:
Ինչպես հայտնում է РИА Новости-ն` համապատասխան փոփոխությունները կատարվել են տաքսիների ագրեգատորների մասին օրինագծի երկրորդ ընթերցումից առաջ:
«Մենք նաև վերջնականապես կամրագրենք օրենքում, որ տաքսիների օտարերկրյա վարորդներ չենք ունենալու: ՌԴ քաղաքացիություն չունեցող մարդն իրավունք չի ունենա որպես տաքսու վարորդ աշխատել ՌԴ տարածքում»,-ասել է Մոսկվիչևը:
Տաքսու վարորդներին նաև կարգելեն ուղևորատար օգտագործման 7 տարին հատած ավտոմեքենաների օգտագործումը: Նոր օրենքն ուժի մեջ կմտնի այս տարի:
