Ռուսաստանն ու ՆԱՏՕ-ն ամբողջությամբ դադարեցրել են համագործակցությունը
Ռուսաստանը և ՆԱՏՕ-ն ամբողջությամբ դադարեցրել են քաղաքացիական և ռազմական գծով համագործակցությունը: Այս մասին հայտնել է Ռուսաստանի Դաշնության արտգործնախարարի տեղակալ Ալեքսանդր Գրուշկոնՙ РИА Новости-ի հետ հարցազրույցում:
Պաշտոնյայի խոսքով՝ ՆԱՏՕ-ն ինքն է հրաժարվել Ռուսաստանի հետ հարաբերություններում դրական օրակարգից: Նա անհեթեթ է համարել Հյուսիսատլանտյան դաշինքի՝ ռազմական հարցերով նորմալ աշխատանքային կապերը խզելու որոշումը՝ նկատելով, որ Ռուսաստանի և ՆԱՏՕ-ի միջև հարաբերություններից կազված է նաև Եվրոպայի անվտանգությունը:
Ինչպես նշում է գործակալությունը, վերջին տարիներին Ռուսաստանի սահմանների մոտ դաշինքի աննախադեպ ակտիվություն է նկատվում: ՆԱՏՕ-ն դա բացատրում է ռուսական ագրեսիան ճնշելու մտադրությամբ:
