Ադրբեջանի պաշտպանության նախարար Զաքիր Հասանովը զինված ուժերի ստորաբաժանումներին հանձնարարել է ցանկացած ժամանակ պատրաստ լինել ակտիվ մարտական գործողություններին: Այս մասին հայտնում է ТАСС լրատվական գործակալությունը: Ադրբեջանի պաշտպանության նախարարության տարածած հաղորդագրության մեջ մասնավորապես ասվում է. «Նախարարը կոնկրետ հանձնարարականներ է տվել հրամանատարներին՝ մշտապես դիտարկում անցկացնել ու վերահսկողության տակ պահել հակառակորդի գործողությունները, վճռական պատասխան տալ հնարավոր սադրանքներին և ցանկացած պահի պատրաստ լինել մարտական գործողությունների ակտիվացմանը»: