Վանեցյանը՝ վարչապետի ազգականի նկատմամբ քրգործ հարուցելու մասին
Չեմ կարող դեռևս մանրամասներ հայտնել, երեկ է քրեական գործ հարուցվել: Այս մասին այսօր լրագրողների հետ զրույցում ասաց ԱԱԾ տնօրեն Արթուր Վանեցյանը` անդրադառնալով ՀՀ վարչապետ Նիկոլ Փաշինյանի այն հայտարարությանը, թե իր ցուցումով քրեական գործ է հարուցվել իր ազգականի թույլ տված ենթադրյալ չարաշահման փաստի առիթով:
Պատասխանելով հարցին, թե որ հոդվածով է քրեական գործ հարուցվել, Վանեցյանը պատասխանեց. «Հոդվածը կեղծ փաստաթղթերի օգտագործումն է, գործը Քննչական կոմիտե է փոխանցվել»:
Հիշեցնենք` երեկ ՀՀ վարչապետ Նիկոլ Փաշինյանը երեկ հայտարարել էր, որ իր անմիջական ցուցումով քրեական գործ է հարուցվել իր մերձավոր ազգականի թույլ տված ենթադրյալ չարաշահման փաստի առիթով:
