![Փոփոխություններ «Ժառանգություն» կուսակցությունում. վարչությունը նոր նախագահ կունենա](https://auroranews.am/storage/img/base_image/old/c5e296761196bf270f86b50700fb0e45.webp)
Փոփոխություններ «Ժառանգություն» կուսակցությունում. վարչությունը նոր նախագահ կունենա
![Փոփոխություններ «Ժառանգություն» կուսակցությունում. վարչությունը նոր նախագահ կունենա](https://auroranews.am/storage/img/base_image/old/c5e296761196bf270f86b50700fb0e45.webp)
«Ժառանգություն» կուսակցության վարչակազմում ֆունդամենտալ փոփոխություններ են սպասվում: Այս մասին հայտարարել է կուսակցության առաջնորդ Րաֆֆի Հովհաննիսյանը լրագրողների հետ զրույցում: Նրա խոսքով՝ առաջիկայում կուսակցությունում նոր ղեկավար կազմ կլինի, իսկ ինքն իր գործունեությունը կշարունակի որպես խորհրդի համանախագահ և որպես կուսակցության շարքային անդամ։ «Այո՛, ես անգամ վարչության թեկնածու չեմ»,- հայտարարել է նա: Նա նաև հայտնել է, որ Արմեն Մարտիրոսյանը, ով ներկայում մասնավոր այցով Հայաստանից դուրս է գտնվում, նույնպես չի ցանկացել թեկնածություն ներկայացնել կուսակցության վարչակազմում: «Չեմ ուզում մտածել, որ ինքը թավշյա հեղափոխության զոհերից մեկն է, որը չգնահատվեց, բայց ես վստահ եմ, որ ինքը կվերադառնա: Բայց ինքն էլ իմ նման կշարունակի ծառայությունը որպես քաղաքացի»,- ասել է Րաֆֆի Հովհաննիսյանը: Ինչ վերաբերում է կուսակցության քաղաքական ծրագրերին, ապա նա նշեց, որ մինչև հաջորդ ընտրությունները կուսակցությունը կներկայացնի քաղաքակրթական մի նոր այլընտրանք և նորացած կներկայանա ժողովրդին։