ԵՄ-ն Հայաստանին հատկացնում է դրամաշնորհ, կկառուցվի գիտությունների նոր համալիր․ ԿԳՆ
ԵՄ – «Թումո» համատեղ նախաձեռնություն. կառուցվելու է ինժեներական և կիրառական գիտությունների նոր համալիր: Այս մասին տեղեկացնում է ՀՀ կրթության և գիտության նախարար Արայիկ Հարությունյանը։
««Եվրամիությունը հանուն նորարարության» ծրագրի շրջանակում կրթական բարեփոխումներին աջակցելու նպատակով ԵՄ-ն Հայաստանին հատկացնում է դրամաշնորհ, որն ունի երկու կարևոր բաղադրիչ։ Դրանցից մեկը՝ Tumo Center for Creative Technologies-ում ինժեներական և կիրառական գիտությունների նոր կենտրոնի ստեղծումն է, մյուսը՝ հանրակրթության ոլորտում մաթեմատիկա և բնագիտական առարկաների՝ 1-12-րդ դասարանների կրթական չափորոշիչների և առարկայական ծրագրերի մշակումը, դասագրքերի ստեղծումը, փորձարկումն ու մանկավարժների վերապատրաստումը»,- գրել է նախարարը։
