Քիչ առաջ հայտնի դարձավ, որ Ղազախստանի նախագահ Նուրսուլթան Նազարբաևը հրաժարական է տվել: Սա աննախադեպ է այդ երկրի համար, քանի որ նախկինում երբեք նման բան տեղի ունեցել: Հեռուստաուղերձում, որի ժամանակ Նազարբաևը հայտարարեց իր հրաժարականի մասին, հնչեցին նաև այն պատճառները, որոնք դրդել են նրան նման որոշում կայացնել: Բանն այն է, որ Նազարբաևին չի գոհացրել կառավարության աշխատանքը: Ըստ նրա՝ գործադիրն այդպես էլ չկարողացավ երկրում տնտեսական բարեփոխումներ իրականացնել, ավելացնել փոքր ու միջին բիզնեսի մասնաբաժինը, մաքրել բանկային համակարգը, բարձրացնել հասարակության վստահությունը դատական ու իրավապահ համակարգերի նկատմամբ, նոր աշխատատեղեր ստեղծել, մի խոսքով՝ բարելավել մարդկանց կյանքը: Նշենք, որ մինչ հաջորդ նախագահի ընտրությունը Ղազախստանում նախագահի պաշտոնակատարի աթոռը կզբաղեցնի խորհրդարանի նախագահը: Հրաժարական տված Նազարբաևն էլ կշարունակի գլխավորել Անվտանության խորհուրդը։