ԼՈՒՍԱՆԿԱՐՆԵՐ․ Ջերմուկում առատ ձյան հետևանքով մեքենաներ են վնասվել
Այս գիշեր տեղացած առատ ձյան հետևանքով Ջերմուկում մեքենաներ են վնասվել։
Ջերմուկի զբոսաշրջության զարգացման կենտրոնի հիմնադիր Նարեկ Միրզոյանը AuroraNews-ի հետ զրույցում նշեց, որ տանիքների վրա կուտաված ձյունը թափվում է և վնասում կայանված մեքենաները։
Ջերմուկի համայնքապետարանն իր հերթին ևս մեկ անգամ հիշեցնում, զգուշացնում և հորդորում է անմիջապես տանիքների ներքևի հատվածում ավտոմեքենաներ չկայանել:
"Եղանակային պայմանների հետևանքով կուտակվող ձյունը վտանգավոր է թե' անցորդների, թե' մեքենաների համար:
Հատկապես երեխաներին նշված տարացքներից զերծ պահեք: Տանիքների արգելապատնեշների ապամոնտաժման աշխատանքները ընթացքի մեջ են: Շենքերի տանիքները հերթականությամբ ապամոնտաժվում են",- ասվում է համայնքապետարանի հայտարարությունում:
Լուսանկարները՝ AuroraNews-ին է տրամադրել Նարեկ Միրզոյանը։
Նշենք, որ ձյան առատ տեղումների հետևանքով նման իրավիճակ կարող է լինել նաև Հայաստանի այլ մարզերում և քաղաքներում։ Հուսով ենք՝ հնարավոր կլինի ժամանակին խուսափել վնասներից։
