ԵՄ-ը Հայաստանին կարող է տրամադրել 700 մլն դոլար․ Սվիտալսկի
Եվրամիությունը Հայաստանին կարող է տրամադրել 700 մլն դոլար: Այս մասին այսօր լրագրողների հետ զրույցում հայտարարել է ՀՀ-ում ԵՄ պատվիրակության ղեկավար, դեսպան Պյոտր Սվիտալսկին։
Նա նշել է, որ ԵՄ-ն նախատեսում է ավելի քան 13 մլրդ դոլար հատկացնել մի շարք պետությունների` ճանապարհներ, երկաթուղի, տրանսպորտային ուղիներ, նավահանգիստներ կառուցելու համար:
«Հայաստանն այդ համատեքստում կարող է ստանալ 700 մլն դոլար», -ասել է դեսպանը՝ հավելլով, որ այս պահին «քննարկումների մեջ ենք մեր հայաստանյան գործընկերների հետ»։ «Հույս ունենք, որ ձեր կողմից կլինեն նոր առաջարկներ և ծրագրեր: Սա փակված գիրք չէ, պետք է քննարկել»,- ասել է Սվիտալսկին:
Դեսպանի խոսքերով՝ 10 մլն դոլարի չափով տրամադրվում է Հայաստանի հարավային սահմանային անցակետերի արդիականացման համար:
