Այսօր առավոտյան AuroraNews-ը ահազանգ է ստացել այն մասին, որ Արաբկիր 39Ա 1 տարածքում, հանրակացարանի շենքի նկուղային հարկում գործող գրասենյակում կոյուղաջուր է լցվում: Մեզ զանգահարած բնակիչները նշեցին, որ խնդիրը դիտահորերն են, որոնք խցանվում են գրեթե 2 օրը մեկ: Խնդրի լուծման համար բնակիչները դիմել են պատկան մարմիններին, սակայն ապարդյուն: «Անգամ առաջարկել ենք միասին լուծել հարցը, դրան էլ համաձայն չեն։ Նշում են, թե հանրակացարանի տարածք է, ինքներդ լուծեք խնդիրը։ Բնակիչները իրենց գրպանից ամեն անգամ վերացրել են հետևանքները, սակայն արդեն դանակը հասել է ոսկորին», -մեզ հետ զրույցում նշեց բնակիչներից Մարինե Սիմոնյանը։ AuroraNews-ն իր հերթին խնդրով դիմել է Երևանի քաղաքապետարանին և «Վեոլիա Ջուր» ընկերությանը։ Խնդրին, դրա լուծման ուղղությամբ տարվող աշխատանքներին կանդրադառնանք ավելի ուշ։