Մահացել է աշխարհահռչակ դիզայներ Կարլ Լագերֆելդը

86 տարեկան հասակում մահացել է գերմանացի աշխարհահռչակ դիզայներ Կարլ Լագերֆելդը: Այս մասին հայտնում են միջազգային լրատվամիջոցները: Նա կյանքից հեռացել է այսօր՝ փետրվարի 19-ին, Ֆրանսիայում: Նշենք, որ 1983 թվականից նա Chanel նորաձևության տան ստեղծագործական տնօրենն էր: Նա 1974թ. հիմնել է սեփական Karl Lagerfeld ապրանքանիշը: Լագերֆելդը ծնվել է Համբուրգում` բանկային ծառայողի ընտանիքում: 1952թ. տեղափոխվել է Փարիզ: Նա համագործակցել է Chloé-ի, Fendi-ի և նորաձևության ինդուստրիայի մյուս առաջատարների հետ: Կուտուրիեն տարված էր լուսանկարչությամբ, գրել է մի քանի գիրք, Փարիզում բացել սեփական ցուցասրահը, հիմնել սեփական հրատարակչությունը: