ՏԵՍԱՆՅՈՒԹ․ Խայտառակ վիճակ է․ Տրանսպորտի նախարարը «Կիլիկիա» ավտոկայանից
Տրանսպորտի, կապի և տեղեկատվական տեխնոլոգիաների նախարար Հակոբ Արշակյանն այցելել է «Կիլիկիա» ավտոկայան:
Նա ներկայացրեց իր տպավորությունները` նշելով, որ որդեգրել են ազնիվ լինելու եւ իրերը իրենց անունով կոչելու, խնդիրները բարձրաձայնելու եւ դրանց լուծման նախաձեռնություններով հանդես գալու քաղաքականություն:
«Պետքարաններում խայտառակ վիճակ է, հակասանիտարական: Որևէ աշխատանք տարիների ընթացքում չի արվել: Գործուն ջանքեր ենք թափելու, որպեսզի այստեղ մարդկային, նորմալ վիճակ ստեղծվի»,-ասաց Արշակյանը:
Նա խոսեց նաև սպասարանների մասին: Արշակյանի խոսքով՝ դրանք պետք է բարեկարգվեն ու ջեռուցվեն:
«Այստեղ ջեռուցում չկա, մի քանի նստարաններ են, որոնց վրա անհնար է նստել ցրտի պատճառով»,-ասաց նա:
