Լավ լուր․ Հայաստանում քչանում են սեռով պայմանավորված հղիության ընդհատումները․ Արսեն Թորոսյան

ՀՀ առողջապահության նախարար Արսեն Թորոսյան Ֆեյսբուքյան իր էջում լուսանկար է հրապարակել և անդրադարձել սեռով պայմանավորված հղիության ընդհատման երևույթին: Նախարարը նշել է՝ երեխաները ցանկալի պետք է լինեն՝ անկախ սեռից։ «Երեխաները ցանկալի պետք է լինեն՝ անկախ սեռից։ Լավ լուրեր ունենք։ Մեր երկրում քչանում են սեռով պայմանավորված հղիության ընդհատումները՝ աստիճանաբար մոտենալով բնական թվերին։ Բնականում, առանց միջամտությունների, 100 աղջիկ երեխայի հաշվով ծնվում է 105 տղա երեխա։ Նախնական տվյալներով 2018թ․ մեզ մոտ այդ թիվը կազմել է 108.5 տղա՝ 100 աղջկա հաշվով։ 2008-2012 թվականներին ծնվածների մեջ աղջիկ-տղա միջին հարաբերակցությունը կազմել է 100/115, 2014-ին 100/11.4, 2015-ին` 100/112.7, 2016-ին` 100/111.9, 2017-ին` 100/109.8: Հ․Գ․ նկարում իմ տղան և աղջիկն են»,- գրել է նա: