Դատարանը վերացրել է Վահագն Հարությունյանի կալանքը
Հայաստանի Վերաքննիչ քրեական դատարանն այսօր տեղի ունեցած նիստում բեկանել է Վահագն Հարությունյանի նկատմամբ Երևանի ընդհանուր իրավասության դատարանի որոշումը, վերացրել է կալանքը: Գործը ուղարկվում է առաջին ատյանի դատարան՝ նոր քննության։
«Կարծում եմ, որ դատարանը շեշտը դրել է պաշտպանական իրավունքից զրկելու վերաբերյալ խախտումներին, որի մասին պաշտպանական կողմը բարձրաձայնում էր»,- ասել է պաշտպան Միհրան Պողոսյանը՝ հավելելով, որ իրենք դեռ չեն ստացել դատարանի որոշումը։
Նա նշել է, որ պաշտպանական կողմը բողոքարկել է նաև Վահագն Հարությունյանի նկատմամբ հետախուզում հայտարարելու որոշումը։
