Աշխատանքից ազատվել են Վանաձորի բ/կ-ի փոխտնօրենն ու գլխավոր հաշվապահը. ՀԺ
ՀԺ-ի տեղեկություններով՝ երեկ աշխատանքից ազատվել են Վանաձորի բժշկական կենտրոնի փոխտնօրենն ու գլխավոր հաշվապահը: Փոխտնօրենի սպասվող ազատման մասին մենք գրել էինք դեռեւս շաբաթներ առաջ:
Հունվարի 15-ին սեփական դիմումի համաձայւն աշխատանքից ազատման դիմում էր ներկայացրել Վանաձորի բ/կ տնօրեն Վարդան Աբովյանը: Մարզպետը, բավարարելով Աբովյանի ազատման դիմումը, նոր տնօրեն էր նշանակել հիվանդանոցի պաթոլոգիա-անատոմիական բաժանմունքի վարիչ Վահագն Մկրտչյանին: Նշանակումից օրեր անց Մկրտչյանը հայտարարեց, որ հիվանդանոցը շուրջ 120 մլն դրամի պարտք ունի, տնօրենը նաեւ աուդիտ պահանջեց:
Երեկ արդեն սեփական դիմումի համաձայն աշխատանքից ազատվեցին բժշկական կենտրոնի փոխտնօրեն Պարգեւ Թորոսյանն ու գլխավոր հաշվապահ Արարատ Վերմիշյանը: Այս պաշտոններում նշանակվել են համապատասխանաբար Արթուր Ազրոյանն ու Գայանե Գեւորգյանը:
