Գործարարներին խնդրելու եմ, որ բանակում հաշմանդամ դարձած երիտասարդներին աշխատանք տան․ Արմեն Սարգսյան
Այն երիտասարդները, որոնք ծառայել են, առողջական խնդիրներ ունեն, վիրավոր են եղել, հիմա հաշմանդամ են, նրանց չի կարելի մոռանալ: Իր նստավայրում լրագրողներին հայտնել է նախագահ Արմեն Սարգսյանը:
«Դեռ պետք է պարզել՝ այդ թոշակը բավարար է, թե ոչ, բայց նրանք երիտասարդ մարդիկ են, չեն կարող 60 տարի թոշակ ստանալ: Հաստատ այդ մարդիկ ինչ-որ տաղանդ ունեն, պետք է գտնել, օգտագործել, սովորեցնել ու աշխատանք տալ»,-ընդգծեց ՀՀ նախագահը:
Նա լրագրողներին հորդորեց՝ գործարարներին հարցնել, թե նրանք ինչ են արել այդպիսի անձնաց համար. «Եթե դու գործարար մարդ ես, ունես 100 աշխատող, գոնե մեկ հոգու կարո՞ղ ես աշխատանքի վերցնել, իհարկե, կարող ես: Ես հանդիպելու եմ մեծ ընկերությունների ղեկավարների հետ, նրանց քաջալերեմ, խնդրեմ, որ նրանք դա անեն»:
