Ֆրանսիայում «դեղին բաճկոնավորները» կրկին փողոց են ելել

Ֆրանսիայում կրկին մեկնարկել է «դեղին անթև բաճկոններ» շարժման բողոքի ակցիան, հաղորդում են տեղի լրատվամիջոցները: Ցուցարարներն իրենց երթը սկսել են Փարիզի Ելիսեյան պալատի մոտից:Նրանք վանկարկում են «Մակրոնի հրաժարականը» և երգում են երկրի ազգային օրհներգը՝ «Մարսելյեզը»: Ակցիայի մասնակիցները պետք է հասնեին Բաստիլի հրապարակ տեղի ժամանակով 17:00-ին (երևանյան 20:00): Երթը հանգիստ է ընթանում, ոստիկանների և ցուցարարների միջև բախումներ չեն եղել: Հիշեցնենք, որ «Դեղին բաճկոնների» բողոքի ցույցերը մեկնարկել են նոյեմբեր 17-ին և շարունակվում են յուրաքանչյուր շաբաթ: