Վրաստանի ԱԳՆ-ը արձագանքել է Ախալքալաքում հայ հերոսի կիսանդրու շուրջ Բաքվի նոտային

Վրացական և ադրբեջանական կողմերը քննարկել են Արցախյան ազատամարտի հերոս Միխայիլ Ավագյանի հուշարձանի շուրջ ստեղծված իրավիճակը: Այս մասին հայտնել է Грузия Online-ըՙ հղում կատարելով Վրաստանի ԱԳՆ-ին: Երկրի ԱԳՆ-ից մասնավորապես հայտնել են, որ երկու երկրի միջև չքննարկվող թեմաներ չեն լինում, և այս թեման նույնպես քննարկվել է: «Ադրբեջանը Վրաստանի ռազմավարական գործընկերն է, և երկրների միջև չքննարկվող թեմաներ չկան: Դա շփման նորմալ ձևաչափ է, և իրարանցումն այս հարցում անտեղի է»,- ասվում է հաղորդագրության մեջ: Հիշեցնենք, որ Բաքուն նախօրեին դեսպանների միջոցով բողոքի նոտա էր հայտնել Թբիլիսիին՝ կապված հունվարի 20-ին Ախալքալաքում հայ հերոսի կիսանդրու բացման հետ: