Reuters-ի հաղորդմամբՙ ռուսական ռազմական մասնավոր ընկերությունը ժամանել է Վենեսուելաՙ երկրի նախագահ Նիկոլաս Մադուրոյի անձնական պահպանության համար: Գործակալությունը հղում է կատարել երկու անանուն աղբյուրի, որոնք հայտնել են, թե վերջին մի քանի օրերին մասնավոր ռազմական միավորումներ են ժամանել Կարակաս, որոնք ՌԴ-ի համար գաղտնի առաջադրանքներ են կատարում: Reuters-ի երրորդ աղբյուրը հաստատել է այդ տեղեկությունը, սակայն չի կարողացել ասել, թե երբ են «վարձկանները» ժամանել և որն է իրենց նպատակը: Ի դեպ, ինքըՙ Մադուրոն հայտարարել է, որ խզել է ԱՄՆ-ի և երկրի նախագահ Դոնալդ Թրամփի հետ հարաբերություններըՙ դրանք պահպանելով էներգետիկայի և էկոնոմիկայի բնագավառներում: Վենեսուելան կշարունակի նավթ վաճառել ԱՄՆ-ին, եթե վերջինս համաձայնի գնել այն: Մադուրոն նաև պատրաստակամություն է հայտնել հանդիպել իրեն նախագահի ժամանակավոր պաշտոնակատար հռչակած, ընդդիմության առաջնորդ Գուաիդոյի հետ: