Բաքուն բողոքի նոտա է հայտնել Թբիլիսիին Ախալքալաքի Բուղաշեն թաղամասում Արցախյան պատերազմի հերոս Միխայիլ Ավագյանի կիսանդրին տեղադրելու փաստի պատճառով: Այս մասին տեղեկացնում է Грузия Online-ը: Ադրբեջանում Վրաստանի դեսպան Զուրաբ Պատարաձեին կանչել են երկրի ԱԳՆ և «պահանջել անհապաղ միջոցներ ձեռնարկել փաստի վերացման առնչությամբ, որը չի համապատասխանում երկկողմ ռազմավարական հարաբերությունների բնույթին»: Վրաստանում Ադրբեջանի դեսպան Դուրսուն Գասանովը նույն հարցի շուրջ հանդիպում է ունեցել Վրաստանի ԱԳՆ-ում և փոխանցել Բաքվի բողոքը: Նշենք, որ Վրաստանի Սամցխե-Ջավախեթի շրջանում, որտեղ հայ բնակչությունն է ապրում, հունվարի 20-ին բացվել է Արցախյան ազատամարտի ժամանակ զոհված Միխայիլ Ավագյանի հուշարձանը: