«Ժամանակ» թերթը գրում է. «Փետրվարի 17-ին ՀՀ մի շարք մարզերում տեղական ինքնակառավարման մարմինների ընտրություններ են։ ՏԻՄ ընտրություններ են մասնավորապես՝ Արագածոտն, Արարատ, Արմավիր, Գեղարքունիք, Լոռի, Կոտայք, Շիրակ, Վայոց ձոր, Տավուշ մարզերի մի շարք համայնքներում։ Համայնքներից 14-ում ղեկավարի և ավագանու անդամների հերթական, իսկ 10-ում՝ արտահերթ ընտրություններ են։ Կենտրոնական ընտրական հանձնաժողովից տեղեկանում ենք, որ թեկնածուների առաջադրման գործընթացն արդեն սկսվել է։ Որոշ համայնքներում 4-ից ավելի առաջադրված թեկնածու կա։ Որքան էլ ուշագրավ է, այս անգամ ՏԻՄ ընտրություններին իշխանական թիմից ոչ ոք չի մասնակցում։ Առաջադրված գրեթե բոլոր թեկնածուներն անկուսակցական են։ «Քաղաքացիական պայմանագիր» կուսակցությունից որևէ թեկնածու չկա։ 24 համայնքից միայն 9-ում է գործող համայնքապետն առաջադրվել»։