Փաշինյանն ավելի լավ էր լռեր․ Աշոտյանը վարչապետի ուղիղ եթերն է լսել

ՀՀԿ փոխնախագահ Արմեն Աշոտյանը ֆեյսբուքյան իր էջում անդրադառնալով վարչապետ Փաշինյանի ուղիղ եթերին՝ նշել է․ «Լսեցի Նիկոլ Փաշինյանի անդրադարձը Ալիևի հետ հանդիպման մասին: Ակնհայտ է, որ Փաշինյանը խուսափեց հիմնական հարցերից և խորացրեց առկա անհանգստությունը Ղարաբաղյան հակամարտության կարգավորման ներկայիս փուլի շուրջ: Չեմ հավատում, որ այդքանով սահմանափակվել է քննարկման օրակարգը: Տեսանելի է, որ վարչապետը բանակցային գործընթացում հայկական դիրքերը մցնում է փակուղի, հետևողականորեն քանդում է մեր նախկին բանակցային ամուր ռազմավարությունը, փոխարենը ոչ մի առավել կենսունակ ու հայանպաստ դիրքավորում չստեղծելով: Ավելի լավ է լռեր...»։ Հիշեցնենք՝ քիչ առաջ վարչապետը ֆեյսբուքյան ուղիղ եթերի միջոցով ներկայացրեց մանրամասներ իր և Ադրբեջանի նախագահ Իլհամ Ալիևի հանդիպումից։