Քոչարյանի պաշտպանները ստացել են կալանքի վերաբերյալ որոշումը
Ռոբերտ Քոչարյանի պաշտպանները երեկ օրվա արվարտին ստացել են Ռոբերտ Քոչարյանին կալանքի տակ պահելու ժամկետը երկարացնելու մասին առաջին ատյանի դատարանի որոշումը:
Այս մասին մեր զրույցում ասաց Քոչարյանի պաշտպաններից Հայկ Ալումյանը: Նա ասաց, որ ծանոթացել է դատարանի որոշմանը:
Երեկ պաշտպանական կողմը բարձրաձայնել էր, որ դատարանը պաշտպանական կողմին չի տրամադրել որոշումը:
Երեւան քաղաքի ընդհանուր իրավասության դատարանի Կենտրոնի նստավայրը՝ դատավոր Արթուր Մկրտչյանի նախագահությամբ, հունվարի 18-ին Ռոբերտ Քոչարյանի կալանքը եւս երկու ամսով երկարաձգելու որոշում էր կայացրել՝ բավարարելով նախաքննական մարմնի միջնորդությունը:
Պաշտպանական կողմը որոշման հրապարակումից անմիջապես հետո Վերաքննիչ բողոք է ներկայացրել:
Հիշեցնենք, որ Վերաքննիչ քրեական դատարանը դեկտեմբերի 7-ին որոշեց անփոփոխ թողնել առաջին ատյանի դատարանի որոշումը, ինչից հետո Քոչարյանը կալանավորվեց: Պաշտպանները Վերաքննիչի այս որոշումը արդեն իսկ բողոքարկել են Վճռաբեկ դատարան: Քոչարյանը մեղադրվում է սահմանադրական կարգը տապալելու համար:
