Փաշինյանը կհանդիպի Ալիևին
Հայաստանի վարչապետ Նիկոլ Փաշինյանը ոչ պաշտոնական հանդիպում կունենա Ադրբեջանի նախագահ Իլհամ Ալիևի հետ շվեյցարական Դավոսում: Այս մասին տեղեկացնում է ռուսական РИА Новости գործակալությունը՝ հղում անելով հենց Փաշինյանի հայտարարությունը:
Հարցին, թե արդյո՞ք լինելու է հանդիպում Ադրբեջանի նախագահի հետ, Փաշինյանը պատասխանել է.
«Այո, դա ոչ պաշտոնական հանդիպում է»:
Իր հերթին, Ալիևը լրագրողների հարցերին ի պատասխան նշել է, որ Հայաստանի ու Ադրբեջանի միջև կոնկրետ բանակցություններ չեն եղել, բայց մի քանի «օգտակար զրույցներ են» եղել:
