«Ժողովուրդ» օրաթերթը գրում է. «Ինչպես հայտնի է, թավշյա հեղափոխությունից հետո մարտի 1-ի գործը նոր ընթացք է ստացել: Այս օրերին ակտիվորեն շարունակվում է այս գործով հարցաքննությունների շարքը: Հիմնականում հարցաքննվում են 2008թ. մարտի 1-ի օրերին պետական պաշտոններ զբաղեցրած անձինք, նաեւ ոստիկանությունում աշխատած, ոստիկանության Ներքին զորքերում եւ ԶՈՒ-ում ծառայած անձինք: Բացի այդ, մեզ հասած տեղեկությունների համաձայն` ՀՔԾ-ն արդեն սկսել է հարցաքննության հրավիրել մարտի 1-ի իրադարձությունների կիզակետում հայտնված եւ տասը տարի առաջ այդ իրադարձությունները լուսաբանած զանգվածային լրատվամիջոցների ներկայացուցիչներին: Մեզ հայտնի դարձավ, որ որոշ հայտնի լրատվամիջոցների ներկայացուցիչներ վկայի կարգավիճակով են հրավիրվել Հատուկ քննչական ծառայություն»: Շարունակությունը՝ թերթի վաղվա համարում: