ՀՀ վարչապետ Նիկոլ Փաշինյանն իր ֆեյսբուքյան էջում ավելի վաղ հայտնել էր, որ այսօր Դավոսյան Համաշխարհային տնտեսական ֆորումի ժամանակ ինքն ու Ադրբեջանի նախագահ Իլհամ Ալիևը հանդիպել են: Hraparak.am-ը գրում է, որ ուշագրավ է այն, որ Դավոսյան ֆորումին Ադրբեջանի նախագահի բոլոր հանդիպումները րոպեների ճշգրտությամբ հաղորդող ադրբեջանական մամուլը այս հանդիպման մասին բավական «ժլատ» է գտնվել։ Ավելին, Ադրբեջանի նախագահի մամուլի ծառայությունը բավական ուշացումով է այս մասին տարածել ռելիզ եւ մի շարք լրատվամիջոցներ իրենց հրապարակման համար հիմք են վերցրել Հայաստանի վարչապետի ֆեյսբուքյան գրառումը։