Մեքսիկայում խողովակաշարի պայթյունի մեղավորները նախկին իշխանավորներն են. Մեքսիկայի նախագահ

Մեքսիկայի նախագահ Անդրես Մանուել Լոպես Օբրադորը հայտարարել է, որ հունվարի 18-ին 89 մարդու կյանք խլած խողովակաշարի ուժգին պայթյունի մեղավորները նախկին իշխանության ներկայացուցիչներն են: «Պատասխանատու են նրանք, ովքեր առաջ են տարել և կիրառել այդ նեոլիբերալ քաղաքականությունը, նրանք, ովքեր թաքցրել են կոռուպցիան, պաշտպանել և թաքցրել են այն: Մենք ցանկանում ենք, որ այդ ամենը փոխվի», - ասել է Լոպես Օբրադորը: Այն հարցինՙ կարելի էր արդյոք խուսափել պայթյունից, Մեքսիկայի նախագահը պատասխանել է,- «Իհարկե, հնարավոր էր դրանից խուսափել, եթե Մեքսիկայում կոռուպցիա չլիներ, եթե վառելիքը չգողանային, եթե իշխանությունները դա թույլ չտային, իսկ մարդիկ կարիքից դրդված այդ քայլին չդիմեին»: