Նաիրա Զոհրաբյանն` Ադրբեջանում հայ ռազմագերիների մասին
ԱԺ-ն շարունակում է քննարկել մշտական հանձնաժողովների նախագահների ընտրության հարցը։
ԲՀԿ քարտուղար Արման Աբովյանը հետաքրքրվեց Մարդու իրավունքների և հանրային հարցերի մշտական հանձնաժողովի նախագահի թեկնածու Նաիրա Զոհրաբյանից, թե ի՞նչ տեսլական ունի հանձնաժողովը Ադրբեջանում գտնվող պատադների մասով ծավալվող աշխատանքների վերաբերյալ:
«Այսօր մենք Ադրբեջանում ունենք 4 պատանդ, 2-ը՝ ՀՀ քաղաքացի, 1-ը՝ Արցախի քաղաքացի, մյուսը՝ ՌԴ-ի՝ ազգությամբ հայ քաղաքացի: Հարցի ավելորդ հանրայնացումը շատ դեպքերում բերում է հարցի վնասման, ես սա ասում եմ որպես պատգամավոր, ով Կարմիր խաչի հետ զբաղվել է ռազմագերիների հարցով: Մենք պետք է ուշադրության տակ պահենք խնդիրը և փորձենք պատկան մարմիններից տեղեկություններ ստանալ: Անհայտ կորածների մասով մենք ունենք 3 տարբեր թվեր՝ ՊՆ-ի թվերով 320, Կարմիր Խաչի հաշվարկով ՝400, «Ընդդեմ իրավական կամայականության» կազմակերպության տվյալներով՝ 900: Մենք պետք է խնդիրը պահենք մեր ուշադրության կենտրոնում, սակայն լուրջ սպասելիքներ ակնկալել չենք կարող»:
