Բանակում կունենանք սպառազինություն, որը արտադրված է լինելու Հայաստանում. պատգամավոր

Կարճ, շատ շոշափելի ժամանակում մենք բանակում կունենանք սպառազինություն, որը կրելու է «արտադրված է Հայաստանում» մակնշումը: Այս մասին այսօր հայտարարեց ԱԺ «Իմ քայլը» խմբակցության գորիսեցի պատգամավոր, գործարար Տիգրան Կարապետյանը: «Ես ուղղակի վստահ եմ սրանում, որովհետև իմ կյանքի վերջին 18 տարիները կապված են այս ոլորտի հետ՝ 10 տարուց ավելի ղեկավարել եմ ոլորտային ձեռնարկություն, ներկայացրել ենք ծրագրեր, բայց դրանք ստացել են մերժումներ»ՙ,-նշեց նա: Պատգամավորը նկատեց, որ ռազմական տեխնիկայի արտադրության ոլորտում կան խնդիրներ, որոնց գերակշիռ մասը օրենսդրական լուծում են պահանջում և ասաց, թե ոգևորված է հեռանկարով, որ նոր օրենսդիրը կարող է դրանց լուծումներ տալ: