Խաչատուրյան քույրերից մեկին բնակարանից կզրկի իր տատիկը

Հայազգի երեք քույրերի կողմից դաժանաբար սպանված տղամարդու մայրը՝ Լիդիա Խաչատուրյանը, դատի է տվել իր թոռնուհուն՝ Քրիստինային, ով ապրում է նրա տան մեջ, հաղորդում է Lenta.ru-ն: Կնոջ խոսքերով՝ թոռնուհին պետք է վճարեր կոմունալ ծախսերը, սակայն դա չի արել. «Նա վճարումներ չի կատարել անգամ Միքայելի կենդանության օրոք»,- նշել է կինը: Այդ տունը պատկանում է Լիդիա Խաչատուրյանին, իսկ Բուտիրկայի դատարանը ընդունել է կնոջ դիմումը: Հիշեցնենք, որ Մոսկվայում 2018թ-ի հուլիսի 27-ին 57-ամյա Միխայիլ Խաչատուրյանը դանակի մոտ 40 հարված է ստացել: Խաչատուրյանին սպանել են նրա երեք դուստրերը, որոնցից մեկն անչափահաս է: