Դիլիջանում հայ-վրացական գործարար ֆորում կանցկացվի. Փաշինյան
Մայիսին Դիլիջանում հայ-վրացական գործարար ֆորում կանցկացվի: Այս մասին ֆեյսբուքյան իր էջում գրել է ՀՀ վարչապետ Նիկոլ Փաշինյանը՝ Վրաստանի վարչապետ Մամուկա Բախտաձեի հետ նկար հրապարակելով:
«Բոլնիսում շատ ջերմ, ոչ ֆորմալ հանդիպում ունեցա Վրաստանի վարչապետ, իմ բարեկամ Մամուկա Բախտաձեի հետ:
Որոշեցինք մայիսին հայ-վրացական գործարար ֆորում անցկացնել Դիլիջանում»,- գրառման մեջ հայտնում է վարչապետը:
Ավելի վաղ տեղեկացրել էինք, որ ՀՀ վարչապետ Նիկոլ Փաշինյանը և Վրաստանի կառավարության ղեկավար Մամուկա Բախտաձեն հունվարի 15-ին ոչ ֆորմալ հանդիպում են ունեցել Վրաստանի Բոլնիսիում:
